Franska ríkisstjórnin ætlar að hækka eftirlaunaaldur og skattleggja hátekjur sérstaklega til að stuðla að því að lífeyriskerfi landsmanna standi undir sér.  Frakkar geta farið á eftirlaun við sextugsaldur en nú boða stjórnvöld að eftirlaunaaldur hækki í áföngum í 62 ár til 2018.

Umsvif á fasteignamarkaði í Evrópu jukust enn frekar á öðrum fjórðungi ársins, á sama tíma og óvissu gætir í röðum fjárfesta vegna mikillar skuldabyrði ríkissjóða í álfunni. Upplýsingar hafa birst frá bæði Cushman & Wakefield and DTZ um aukna veltu í fasteignaviðskipum, á bilinu 11-19% miðað við fyrsta ársfjórðung.

Þjóðir heimsins eldast og öldrunin skapar þrýsting á ríkisstjórnir og fyrirtæki vegna sívaxandi fjárþarfar lífeyris- og heilbrigðiskerfa til lengri tíma. Þá fækkar vinnandi fólki hlutfallslega en eftirlaunaþegum fjölgar að sama skapi. Það að fólk lifir lengur en áður skapar þannig ákveðna ógn fyrir lífeyriskerfin og fyrirtækin sem undir þeim standa.

Efnahagsstofnunin í París, OECD, reiknar út hlutfall vinnandi fólks og eftirlaunamanna (65 ára og eldri) nú og í framtíðinni til að sýna fram á lýðfræðilega þróun samfélaga heimsins næstu áratugi. Þar koma margir þætti við sögu, einkum þó dánarlíkur, fæðingarlíkur og búferlaflutningar.

Framkvæmdastjórn Evrópusambandsins telur mjög mikilvægt fyrir lönd innan sambandsins að taka lífeyrissjóðakerfi sín til gagngerar endurskoðunnar.
Lág fæðingartíðini og hækkandi meðalaldur landanna innan ESB gerir það að verkum stöðugt færri vinnandi hendur þurfa að standa undir stöðugt hækkandi ellilífeyrisgreiðslum til þeirra eldri. Framkvæmdastjórnin leggur meðal annars til að ellilífeyrisaldurinn verði hækkaður sjálfvirkt í takt við auknar lífslíkur þeirra eldri. Nokkur landanna innan ESB hafa þegar greint frá áformum um að hækka ellilífeyrisaldurinn en þau áform hafa mætt mikilli andstöðu.
Sem stendur eru að meðaltali fjórir vinnandi menn á bakvið hvern mann sem orðin er 65 ára eða eldri innan ESB. Ef ekkert verður aðgert mun þetta hlutfall fara niður í tvo vinnandi menn á móti hverjum ellilífeyrisþega árið 2060. Minna en helmingur starfandi fólks innan ESB vinnur áfram eftir 60 ára aldurinn. Sjá meðfylgjandi GREEN-PAPER frá Evrópusambandinu.

Fjármálaeftirlit Noregs hefur heimilað vogunarsjóðum að starfa og markaðssetja sig gagnvart stofnanafjárfestum þar í landi en sjóðirnir verða áfram að halda sig frá einstaklingum og öðrum slíkum fjárfestum.