Á aðalfundi Landssamtaka lífeyrissjóða, sem haldinn í síðustu viku var Arnar Sigurmundsson frá Lífeyrissjóði Vestmannaeyja endurkjörinn formaður samtakanna. Guðrún Guðmannsdóttir, framkvæmdastjóri Lífeyrissjóðs Vestfirðinga, kom í stjórnina í stað Margeir Daníelsson, sem gaf ekki kost á sér. Aðrir í stjórn samtakanna eru: Friðbert Traustason frá Lífeyrissjóði bankamanna, Gunnar Baldvinsson frá Almenna lífeyrissjóðnum, Gunnar Páll Pálsson frá Lífeyrissjóði verzlunarmanna, Haukur Hafsteinsson frá Lífeyrissjóði starfsmanna ríkisins, Þorbjörn Guðmundsson frá Sameinaða lífeyrissjóðnum og Þórunn Sveinbjörnsdóttir frá Gildi lífeyrissjóður. Framkvæmdastjóri Landssamtaka lífeyrissjóða er Hrafn Magnússon.

Þórður Friðjónsson, forstjóri Kauphallar Íslands, flutti fróðlegt  erindi um framtíð íslenska verðbréfamarkaðarins og  Gylfi Arnbjörnsson, framkvæmdastjóri Alþýðusambands Íslands, greindi frá þeirri vinnu sem farið hefur fram um kerfisbreytingu úr jafnri réttindaávinnslu í aldurstengt réttindakerfi. 

Aðalfundur Landssamtaka lífeyrissjóða verður haldinn n.k. miðvikudag 11. maí  kl. 14.30 á Grand Hótel Reykjavík.  Auk venjulegra aðalfundarstarfa mun Þórður Friðjónsson, forstjóri Kauphallar Íslands, flytja erindi um framtíð íslenska verðbréfamarkaðarins. Er hægt að tryggja vöxt og viðgang hans á næstu árum?   Þýðing og aðkoma lífeyrissjóða að innlendum verðbréfamarkaði. Þá mun Gylfi Arnbjörnsson, framkvæmdastjóri Alþýðusambands Íslands, flytja erindi um vanda íslenska lífeyrissjóðakerfsins. Kerfisbreytingu úr jafnri réttindaávinnslu í aldurstengt réttindakerfi og um örorkubyrði lífeyrissjóðanna og hugsanlega aðkomu ríkisvaldsins að þeim málum. 

Aðalfundur Landssamtaka lífeyrissjóða verður haldinn mánudaginn 10. maí n.k. á Grand Hótel Reykjavík og hefst fundurinn kl. 14.30. 

Fulltrúaráðsfundur Landssamtaka lífeyrissjóða verður haldinn fimmtudaginn  4.desember n.k. kl. 14.30 á Grand Hótel Reykjavík, Hvammi. Dagskrá mál fundarins verða: "Þróun efnahagsmála á næsta ári, svo og þróun á verðbréfamörkuðunum" og "Örorkulífeyrisbyrði lífeyrissjóðanna. Hvað er til ráða?" 

Nú í vikunni efndu Landssamtök lífeyrissjóða til fundar um "Siðferðislegar fjárfestingar (Socially responsible investing SRI)". Fyrirlesarar voru þau Ketill Berg Magnússon, kennari við Háskólann í Reykjavík og Sólveig Stefánsdóttir, viðskiptafræðingur hjá Virðingu h.f. Fjölmenni var á fundinum og voru umræður fjörlegar. 

Á aðalfundi Landssamtaka lífeyrissjóða, s.l. þriðjudag, kom fram að Landssamtök lífeyrissjóða hafa í hyggju að skipa nefnd til að fjalla um ólík réttindakerfi lífeyrissjóðanna. Þá hafa Landssamtök lífeyrissjóða skipað starfshóp til að fjalla um örorkulífeyrismál með hliðsjón af  mismunandi örorkulífeyrisbyrði sjóðanna

Aðalfundur Landssamtaka lífeyrissjóða var haldinn í dag. Að loknum aðalfundi skipti stjórnin með sér verkum og  var Friðbert Traustason, formaður Sambands íslenskra bankamanna og stjórnarmaður í Lífeyrissjóði bankamanna kosinn formaður  í stað Þóris Hermannssonar frá Lífeyrissjóðnum Lífiðn. Þórir sem hefur verið formaður frá stofnun samtakanna eða í tæp fjögur og hálft ár  gaf  ekki lengur kost  sér til formennsku.  Nánar verður sagt  frá aðalfundinum síðar.

Stjórn Landssamtaka lífeyrissjóða boðar til aðalfundar þriðjudaginn 20.  maí n.k. á Grand Hótel Reykjavík, Gullteig B.  Fundurinn hefst kl. 15.30.

Auk venjulegra aðalfundarstafa mun Benedikt Jóhannesson, framkvæmdastjóri Talnakönnunar h.f. og Þórólfur Árnason, borgarstjóri,  flytja erindi um “Ímynd og sérstöðu íslensku lífeyrissjóðanna.” 

Á fundi LL fyrir skömmu um aðkomu lífeyrissjóða að stjórnun og rekstri fyrirtækja flutti Ari Edwald, framkvæmdastjóri Samtaka atvinnulífsins, athyglisvert erindi. Í erindi Ara kom fram að lífeyrisréttindi landsmanna væru hluti af umsömdum starfskjörum. Ástæða væri til þess fyrir lífeyrissjóðina að setja reglur um hvort og þá hvenær nauðsynlegt kynni að vera fyrir sjóði að hafa áhrif sem hluthafar í stjórnun og við stjórnarkjör í fyrirtækjum sem þeir hafa fjárfest í. Sjóðirnir þurfi hins vegar að gæta hlutleysis í viðskiptaátökum.